قصة قصيرة

أنت غالي

كتبت.. رشا جمعه.

قبل ما يطلع القرار بغلق المدارس كنا قلقين وخايفين على الأولاد من أنتشار المرض وبعد ما طلع القرار إذا ببعض البوستات اللي نزلت من باب الهزار والسخرية إن الامهات قد ايه مضايقة من القرار ومن قعدة الأولاد من المدارس وأكثرنا متابع الموضوع وبأكد ان احنا بنعملها من باب الهزار وفعلاً بعض الاولاد بياخدوها بهزار لكن في بعض أخر هو عنده خوف حقيقي حتى لو مش باين عليه ممكن توصله رسالة سلبية انه مش مهم بالنسبه لك وأنك مش فارق معكِ سلامته وصحته وقد أيه ده ممكن يأثر عليه
يا ريت ناخد بالنا كويس لأن في أولاد حساسة والموضوع ده بيفرق معها جداً حسسوا أولادكم قد ايه هما غاليين عندكم وان سلامتهم اهم من أي حاجة طمنوهم لان في كبار عندهم حالة هلع فما بالكم بالأطفال عارفوهم أنكم بتتبعوا التعليمات لسلامتهم وحمايتهم أتكلموا معهم وحاولوا تعرفوا ايه اللي بيدور جواهم قربوا منهم زي ما بنهتم بأكلهم وشربهم ولبسهم مهم اكتر نعرف عنهم هما حاسين بإيه وشايفين الدنيا أزاي ؟!
الصحة النفسية لأولادكم مهمة لمناعتهم حفظوا عليها كويس زي ما بتحافظوا على صحتهم الجسدية
قولي لأبنك أنت غالي ومهم عندي لأننا كتير بنكون فاهمين أنهم طبيعي انهم يكونوا عارفين ده لكن الحقيقة انهم بيحبوا يسمعوها ويتأكدوا منها منكم بالكلام والأفعال.
أولادكم بيطمنوا بكم .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق