أخبارمصر

الذكرة الرابعة لاستشهاد البطل الرائد ايهاب ابراهيم

نبذة عن روح شهيد الوطن الرائد ايهاب ابراهيم

كتبة:كيرلس يوحنا….

نبذة عن الشهيد الرائد ايهاب جورج في ذاكرة استشهادة الرابعة…
الرائد الشهيد إيهاب ابراهيم جورجى وشهرته ايهاب بيه جورج ..
إتولد فى قرية الصاوى مركز طما محافظة سوهاج يوم ٥ نوفمبر ١٩٨٧.. إتخرج من كلية الشرطة وإتعين ملازم فى مركز شرطة الخانكة فى ٢٠١٠ .. وبسبب إجتهاده وأمانته تم تعيينه معاون مباحث الخانكة ثم معاون مباحث قسم اول شبرا الخيمة ثم تم انتدابه للخصوص ثم العودة لمركز الخانكة .. اول ظابط يهتم بملف تجارة البودرة ويبدأ يهاجم المثلث الذهبى ( مثلث الرعب ) .. وصل سلطان تجار البودرة إنهم عملوا منطقة المثلث اكبر بؤرة اجرامية تأوى المجرمين وبنوا فيها قصور وكان الملف الإجرامى ليهم من اصعب الملفات اللى عجزت قدامه الداخلية سنين .. قدروا يعرفوا أسرار المأموريات والعمليات بأنهم زرعوا فى جهاز الشرطة بعض الخونة المأجورين اللى كانوا بيبلغوهم عن المأموريات مقابل رشاوى ومبالغ طائلة … إبتدى يتحرك ضدهم النقيب الشهيد ايهاب جورج بمطاردتهم وتم القبض على احد عناصرهم بكمية كبيرة من المخدرات حوالى ٥٠٠ كيلو حشيش ومليون قرص ترامادول .. حاولوا يشتروا الشهيد بعرض رشوى ضخمة عليه زى مانجحوا فى انهم يشتروا رتب اعلى منه لكن محاولتهم جميعها فشلت .. وفى يوم ٢٨ فبراير ٢٠١٦ تم استشهاد البطل الشهيد إيهاب جورج هو وتلاتة من افراد قوة المباحث اثناء مطاردتهم ..
مات البطل وكان دمه هوا السبب فى إنى اصدقائه الشرفاء ينضفوا البؤرة الاجرامية دى ويبيدوا العناصر الاجرامية منها .. دى جزء من سيرة ايهاب فى شغله لكن مفيش حد يعرف عن سيرة قلبه او طموحه او طيبته اكتر منى ويمكن لو اتكلمت عن انسانيته كل القلوب هتتوجع .. ايهاب ابراهيم هوا قصة حب لاتموت ..
فسلاماً على من قاتلوا بالليل
وفى النهار كانوا فى الاكفان ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق